عادات غذائية تقي من سرطان القولون

قدم الدكتور المصري محمد عبد الوهاب المشرف علي جهاز زراعة الكبد بمركز جراحة الجهاز الهضمي بجامعة المنصورة عدد من النصائح الهامة للوقاية من الاورام الخبيثة وخاصة اورام القولون والشرج  بشكل خاص .

وقال الدكتور محمد عبد الهاب ان العادات الغذائية السيئة سبب رئيسي في انتشار أورام القولون بشكل كبير وانصح باتباع نظام غذائي لتجنبها ومنها:

1-الصوم المتقطع لما له من أهمية  حيث يقوم  ان الجسم بعد صيام مدة طويلة بيأكل الخلايا الوحشة .

2- قلل سكرك  علي قد ما تقدر ... العادة خلتنا ننسي طعم الحاجة وبنشرب وبناكل سكر لأن الخلايا السرطانية بتتغذي علي السكر ٠٠٠

3- حاولوا علي قد ما تقدروا  ما تاكلوش برة نهائيا ..اعملوا اكل جوة البيت.. علي قد ما تقدروا.

4- كلوا فاكهة .. كلوا خضار كتير.. اغسلوهم كويس بالمياه والخل .

5- إشرب ميه نضيفه معدنية او  فلتر كويس وتابع صيانته بإستمرار.

6- الزيت اللي تقلوا بيه مرة ارموه .. وماتستخدمهوش تاني.. خليكوا كرماء مع اهل بيتكم ونفسكم. وبالله عليكوا ماتحطوش البطاطس والطعمية المقلية علي ورق .. هاتوا مناديل.

7- لو بتدخن ..بطل دلوقتي .. ولو مش بتدخن احمد ربنا علي النعمة دي وحافظ عليها.

8- لو بتقدر تجري اجري... لومش بتقدر امشي كتير..العب تمارين في البيت  ..الحياة حركة.

9- نام كويس خالص.. نام كتير .. نام بدري.

10- متشربش عصير معلب ابدا ..اعملوا عصير فريش اشربوه انتم وأولادكم .

11- بلاش مياه غازية بالله عليكم ..تخلصوا من العادة دي فورا .. مش هتستفيدوا حاجة وهتخسروا كتير.

١2- اوعوا تشربوا حاجة سخنة في كباية بلاستيك .. البلاستيك بيتفاعل مع المية السخنة والنتيجة مش هترضيكم .. الموضوع منتشر جدا في القطار و المواصلات والمؤتمرات.

١3- إشرب قهوة .. بلاش نسكافية..بلاش كريمر.. انت مش عارف تصنيعه ازاي.

١4- لو معدتك مفيهاش مشاكل.. إبلع قرصين ثوم كل يوم.. قبل الأكل او بعده مش فارقة كتير..الثوم من مضادات الأكسدة القوية جدا.

15- حاولوا ماتاكلوش بعد المغرب اكلات ثقيلة .. التمثيل الغذائي بيقل بالليل ..كلوا فاكهة .. كلوا زبادي .. كلوا جبنة قريش.

 16- اقطع الليمونة الى ثلاثة قطع وضعها في كوب ثم أسكب الماء الحار ، فستصبح (مياه قلوية )اشربوها يومياً وستفيد أي شخص قطعاً ..فالليمون الحار يستطيع اطلاق مادة حلوة مُرَّه مضادة لخلايا السرطان ، وهي آخر بحث و تطوير  لعلاج فعال للسرطان في المجال الطبي.